Ilisimatuut nannunik nalunaaqutsersuileruttorput

Ilisimatuut Pinngortitaleriffimmeersut nannunik nalunaaqutsersuillutik Uummannap eqqaniit Qaanaap eqqaa tikillugu, marsip apriilillu qaammataani angalaassapput.

Nannut 20-t nalunaaqutserneqassapput. Nannut taakku ilisimajunnaarsillugit qaammataasatigoortumik aallakaatitsissutilernissaat pilersaarutaavoq.

Nannut Kalaallit Nunaata Canadallu akornanni sikuni ingerlaartarnerat, qanorlu siammarsimatiginerat paasiniarneqassaaq, taamatuttaaq nunarsuarmi silap kiatsikkiartornerata kinguneranik sikuerukkiartornerup sunniutai paasiniarneqassallutik.

Misissuinerittaaq nannunik Baffin Ikerasaani 2011-mi kisitsinissamut pilersaarutaasumut allarnisaataassasut, Pinngortitaleriffimmit ilisimatitsissutigineqarpoq.

Arnavissat arfineq-pingasut qaqortunik qungasequtserneqassapput sinnerilu aqqaneq.marluk siutimikkut mikisunnguamik aallakaatitsissuserneqassapput sigguisalu qulliit iluatungaanni illugiinnik kakiukkanik normulerneqassallutik. Aallakaatitsissutit nannut qanoq angalaarnerat nalunaarsussavaat.

Ilisimatuut nalunaarsuinerat Upernavimmi Kullorsuarmilu aallartissaaq taavalu siku tiffasinnerulerpat Uummannap eqqaata tungaanut ingerlanneqassalluni.

Nanoq nalunaaqutalik pisarineqassagaluarpat, ingerlaannartumik Pinngortitaleriffimmut kalerriutiginissaa kaammattuutigineqarpoq.

Nannup nalunaaqutsikkap neqaa nalunaaqutserneraniit qaammatip aappaa avillugu nerineqassanngitsoq Pinngortitaleriffimmit nalunaarutigineqarpoq.

Nannup ataatsip aallakaatitsissusernera paasissutissanillu misissuineq 200.000 koruunit missaannik akeqarpoq. Taamaattumik nannut aallakaatitsissutitallit pisarineqartannginnissaat Pinngortitaleriffiup ilungersortumik inassutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat