Mannik ujarannguunnikoq, Chilemiut ilisimatuuinit sikuiuitsoq kujallermi 2011-mi nassaarineqarpoq. Mannik 28 centemeterisut angitigivoq 18 centemeteritullu silitsigaluni.Assi: AFP/Ritzau Scanpix

Ilisimatuut mannerujussuup nassaarineqarsimasup suunera paasigaat

Mannik aqitsumik qalipalik, 28 centemeterisut angitigisoq, 18 centemeteritullu silitsigisoq nassaarineqarsimasuni anginerpaavoq.

Ammaloqisaaq ujarannguunnikoq Sikuiutsoq Kullermeersoq ukiuni qulikkaani suuneranik ilisimatuut paasiniarneranni suunnersoq paasineqarpoq.

Ammaloqisaaq taanna Chilemi katersugaasivimmiittoq amerikamiut arsaattut iluseqartoq tassaavorooq mannik qalipalik taanna immami pulateeriaarsuup imaluunniit sisamavileeqqap ukiut 68 million matuma siorna mannia.

Mannik taanna aqitsumik qalipalinni nassaarineqartuni anginersaavoq.

Nassaarineqartoq qaqutigoortorujussuusoq

- Mannimmik aqitsumik qalipalimmik taama allanngorsimanngitsumik qaqutigorsuaq nassaartoqartarpoq.

Mannimmik aqitsumik qalipalimik aatsaat taama angitigisumik nassaartoqarpoq, amerikamioq ilisimatooq taama oqarpoq.

Mannik ujarannguunnikoq, Chilemiut ilisimatuuinit sikuiuitsoq kujallermi 2011-mi nassaarineqarpoq. Mannik 28 centemeterisut angitigivoq 18 centemeteritullu silitsigaluni.

Qatigattuusap mannia 15 centemeterisut angitigivoq 13 centemeterisullu silitsigaluni.

Mannik ujarinnguunnikoq sisamavaleeqqap itsarsuaq uumasuup mannigissagaa ilisimatuut isumaqarput.

Ilisimatuut siusinnerusukkut qeqertami Madagaskarimi timmissap elefantfuglep mannianik nassaarnikuupput taakkua ukioq 1600-ikkunni uumasuusimapput.

Taakkua mannii sikuiuitsoq kujallermi nassaarineqartunit anginerulaarput.

Timmiaq elefantfugl tre meterisut angitigivoq, tonsip affaatut oqimaatsigaluni, taannaavorlu nunarsuarmi timmissani oqimaannerpaajusimasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat