Ilisimatuut: Kalaallit Nunaannut torarsimasut angivallaarput
Tyskit ilisimatuut suleqatigiit, qaqqap innermik anitsineranit qullaatsitanik upernaaq misissueqqissaartut oqarput qaqqap innermik aniatitaasa Kalaallit Nunaannut torarnerat tupinnartoq, internettikkut tusagassiuuteqarfimmut Softpedia.com.imut nutaarsiassaqartitsivik Ritzau taama nalunaarpoq.
Ilisimatuut qullaatsitanik ujaqqallu aannikuinik, Kalaallit Nunaannut aamma anngussimasunik, misissuisimapput. Qullaatsitat sinnikui Islandimiit 2.400 kilometerinit ungasinnerunngitsumi nassaarineqarput, taakkualu tingissinnaasunit pingasoriaammik ungasinnerullutik.
Qullaatsitat sinnikui amerlaqisut tukimut 10 mikrometerinik angissuseqartarput, taakkualu tyskit fysikkimi malittarisassaat naapertorlugit silaannarmut tinginneqarnissaminnut oqimaappallaassagaluarlutik.
Sinnikut qaqqamit innermik anitsisartumiit 800 kilometerinik ungasinnerusumut tinginneqartariaqanngikkaluarput.
Misissuinerit silap pissusaanik missingersuusianut pioreersunut pingaaruteqarput, taakkunani silaannarmi sananeqaatit mikisuararsuit nunarsuaq kaajallallugu qanoq ingerlaartarnerat pingaartinneqartarluni.
