Sermip qaavata aappillernera vandmelonip aputaanik taaguuteqartinneqartoq uiguleriinnik qaqqarsuarni Alpernemi upernaannakkut aasakkullu takornartaasanngilaq, ukiorli manna erseqqinnerulluni.Assi: Miguel Medina/AFP/Ritzau Scanpix

Ilisimatuut Italiami sermeq aappalaartoq qaamasumik qalipaatinissimasoq misissoraat

Italiap avannaanni uiguleriinnik qaqqaqarfissuarmi, tassa Alpernemi sermip ilarujussuata aappaluttumik qaamasumik qalipaatinissimaneranik tusagaq nuanniitsuusoq, ilisimatooq oqarpoq.

Italiap avannaanni sermip ilarujussua aappaluttumik qaamasumik qalipaatinissimasoq siumorneqarsimavoq. Tusagassiorfiit arlaqartut, ilaatigut CNN taama allapput.

Immap naasui, tassa algerit sermip qaavata aappaluttumik qaamasumik qalipaateqalerneranut pissutaasut, ilisimatooq Biagio Di Mauro Italiap Issittoq pillugu ilisimatusarfiani Institut for Polarvidenskabimeersoq CNN-mut oqarpoq.

Sermip qaavata aappillernera vandmelonip aputaanik taaguuteqartinneqartoq uiguleriinnik qaqqarsuarni Alpernemi upernaannakkut aasakkullu takornartaasanngilaq, ukiorli manna erseqqinnerulluni.

AAMMA ATUARUK Maajip qaammataa ukiuni 39-ni aatsaat taama kiatsigisoq

Immap naasui kiannerunera nittaappiarsimanngineralu pissutigalugit ukioq manna pisarnermit sukkanerusumik naasimasut, Di Mauro oqarpoq.

- Taamaattumik naalluarnerupput, ilisimatooq nutaarsiassaqartitsivik Ritzau naapertorlugu taama oqarpoq.

Immap naasorpassui sermip qaavani naasimanerannik tusagaq Di Mauro oqarnera naapertorlugu nuanniitsuuvoq. Sermeq taanna anarluugami pisarnermit sukkanerusumik aakkiartorpoq.

Di Maurop Schweizimi sermit tunguusamik qalipaatininnikut siornatigut aamma ilisimatusarfiginikuuai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat