Assi: Michael Van Woert, NOAA NESDIS, ORA./Flickr

Nalunaarusiaq Ilisimatuut Issittup sorsuffiunnginnisaa pilersaarusioraat

Nalunaarusiap annertuup nunarsuarmut tamanut naleqqussakkap, issittumi unammillernartussat aaqqissoreeqqullugit innersuussuteqarpoq.

Siunissami suut unammillernarsinnaanerinik misissuinermi Baffinbugti, Davis Stræde, Nunatta Kitaa kiisalu Canadap kangia aallaaviupput

Ilisimatuut qulequttat uku arfineq marluk aallaavigalugit misissuipput: Pisuussutit uumassusillit, aatsitassarsiorneq, umiarsuaqarneq, angallanneq, takornariaqarneq, peqqinnissaq ilinniartitaanerlu.

Ilisimatuut qulequttat tamaasa siunissami inuiaqatigiinnit qanoq piareersarfigineqaarsinnaaneri misissorpaat - ukiullu 50-it tulliuttut siunissamut isigisumik misissuillutik.

AAMMA ATUARUK Issittumi attaveqarneq ataatsimeersuarnermi immikkut sammineqalersoq

Siunnersuutigineqartut assigiinngitsorpassuupput, ilaalu aaliangersimasuupput soorlu issittartumi aqqusinniornermut siunnersuutit.

Siunnersuutilli allat inuiaqatigiit qanoq siunissamut nalunartumut patajaallisarsinnaanerannik imaqarlutik. Assersuutigalugu najugaqarnerit ilinniartitaanerullu qanoq pitsanngorsaaviginissaannik, immaqaluunniit nuna panernersuaqassagaluarpat savaatilinnut aningaasanik peqqumaasiornissaq.

-Suliaq unammillernarsimaqaaq. Silap pissusaata allanngornera, nunarsuullu aningaasaqarnera nikerartitsisinnaammata. Ilisimatuunik misissuitistsinermi qulequttat, sammiviit paasissutissallu taamak amerlatigisut ataqatigiissarniarneri, aatsaat taamak Issittumi Siunnersuisooqatigiinnut unammillernarsimatigisoq ilisimatuunit misissuititsinermut siunnersuinermullu pisortaq Anders Mosbech, Århus Universitetimeersoq oqarpoq.

Nuummi septembarimi nalunaarusiap innersuussutai saqqummiunneqarnerinut atatillugu pikkorissaanerit arlallit ingerlanneqassapput.

AAMMA ATUARUK Issittumi attaveqarneq ataatsimeersuarnermi immikkut sammineqalersoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat