Ilisimatuut: Issittumi aalisarneq inerteqqutaali
Issittup sikua qalasersuup eqqaaniittoq nungukkiartorpoq maannalu issittup imartaa sikoqanngitsoq 40 procentiuvoq, tamatumalu kingunerisaanik siullermeerluni tunisassianik aalisartoqarsinnaanngortoq ilisimatuut oqaatigaat.
Issittup imartaani tunisassiassanik aalisarneq tamaani uumasut taakkualu nerisaqatigiiaannerat pillugu naammatumik ilisimasaqarnerulerluni attanneqarsinnaasunik aalisagartassiisinnaalernissap tungaanut unitsinneqassasoq, ilisimatuut kissaatigaat.
USA, Danmark aamma EU taama ittumik politikkeqarnissamik aalajangersaareernikuupput. Canadamiit oqarput, suli isummersimanatik.
- Aalisarnissamut periarfissaqarnerup imaanngilaq assigigaa, paasissutissanik ilisimatusarnermit tunngaveqartumit peqarneq aammalu aalisartitsinermut ingerlalluagaasumut pisarsiaqartumik aqutsinermi periaaseqarneq. Ilisimatuut taama ammasumik allagaqarput, amerikamiut pinngortitamik illersuisut peqatigiiffiannit Pew Environment Groupimit saqqummersinneqartumik.
Ilisimatuut taama allapput, nunat tamalaat issittoq pillugu ataatsimeersuarnerat Montrealimi ingerlanneqartut aallarteruttortorlu. Ilisimatuussutsikkut paasisanik tungaveqartunik issittumik ilioriusissanik pilersaarusisiornissaq, Montrealimi ataatsimeersuarnermi sammineqarput.
Nunatsinniit ilaatigut peqataapput, Namminersorlutik Oqartussaneersut, ICC-meersut, Ilisimatusarfimmeeersut Folketingimeersullu.
