Ilisimatuunngorniat aasaanerani atuartut

Inuusuttut ilinniagaqartut 24-it aasaanerani feriarnerminni sapaatit akunneri marluk atorlugit Kangerlussuarmi pinngortitaq ilinniarfigaat. Ilisimatuunngorniat Danmarkimiit, Nunatsinniit USA-miillu aggersuupput.

Kangerlussuarmiinnerminni amerikamiut ilisimatuut ilisimatuussutsikkut sulinerat malinnaaffigissavaat.

Inuusuttut pinngortitami ilisimatusarnermut soqutiginninnerulernisaat tuluttullu pisinnaasaasa nukittorsarneqarnissaat siunertaralugu inuusuttut aasaanerani ilinniarfimmiipput.

Kalaallit ilinniagaqartut 16-it peqataapput Danmarkimi ilinniagartut pingasut USA-miillu tallimat peqataapput.

Aasaanerani ilinniarfimmi kalaallit peqataasut ilinniarnertunngorniarfinni GU-mi  aamma HTX-imi ilinniartuuppput.

Aasaanerani ilinniarneq juulip 14-at naammassissaaq, naammassippat ilinniartut sisamat sermersuarmi  ilisimatusarfinnut marluusunut tikeraassapput. Ilisimatuussutsikkut misissuiviit sermersuarmiittut taaguuteqarput, Summit aamma NEEM.

Ilinniagaqartut aasaanerani atuartinneqarnerat Kangerlussuarmi efterskoleusimasumi ingerlanneqarpoq.
Aasaanerani feeriap nalaani ilinnigaqarneq Ilinniartitaanermut Ilisimatusarnermullu Naalakkersuisoqarfimmit, National Science Foundationimit 109AW Greenland Operationsimit NYANG-imiillu aningaasaliiffigineqarpoq.

Aasaanerani ilinniarfik Joint Commiteep, Igalikumi Isumaqatigiissummi aallaaveqartup, ataani suliniutaavoq. Kalaallit Nunaata USA-llu akornanni ilisimatusarnikkut, avatangiisitigut teknologiillu iluani suleqatigiinnerup ilinniagarnerullu siuarsarneqarnissaat nukittorsarneqarnissaallu siunertarineqarput, tamatumunngalu ilinniarnermut atatillugu angalaarneq assersuutaalluarpoq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat