ASSIT Ilisimatusarnermut illorsuup sanaartornissaanut qaartitsineq siulleq

Nuummi ilisimatusarnermut illorsuassap sanaartorneqarnissaanut qaartitsineq siulleq ippassaq pingasunngornermi aggustip 19-iani pivoq.

Illorsuarmiissapput Nunatsinni Pinngortitamik Ilisimatusarnermik Ilinniarfiup siullerpaaq aamma Kalaallit Nunaanni Peqqissaanermik Ilisimatusarfik.

Naalakkersuisunut ilaasortaqatigiit Nivi Olsen aamma Mala Høy Kúko, sanaartornerup pisortatigoortumik aallartinneqarnera malunnartinniarlugu qaartitsinermi siullermi qaartitsisuupput:

- Tamanna aqqutigalugu inuiaqatigiinni ineriartornerup pisuussutitsinnillu uumassusilinnik atorluaanerup attanneqarsinnaasup suli pitsaanerusumik piareersimaffigisinnaanissaat qulakkiissavarput, pinngortitamut, avatangiisinut inatsisinillu atuutsitsinermut naalakkersuisoq, Mala Høy Kúko, qaartitsinermut siullermut atatillugu ilaatigut taama oqaaseqarpoq.

AAMMA ATUARUK VIDEO Qaartitsipput

AAMMA ATUARUK VIDEO Nuuk qaartitsisoqarneratigut sajuppillatsinneqaqqippoq

Ilinniartitaanermullu, kulturimut, ilisimatusarnermut ilageeqarnermullu naalakkersuisup Nivi Olseniop ilaatigut oqaatigaa, qaartitsineq una aamma inuusuttortatta periarfissarisinnaasaannik killilersuutaasunik qaartitsinertut taasariaasoq.

Ilisimatusarnermut illorsuaq 2017-imi upernaakkut naammassineqartussatut pilersaarutigineqarpoq, sanaartorneqarnera 50 millionit koruunit missaannik akeqassaaq, anigaasaateqarfiillu assigiinngitsut tunissuteqarnerisigut aningaasalersugaassalluni.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl