Ilisimatusarnermit paasisat pillugit nittartagaq nutaaq

Nunatsinni Issittumilu ilisimatusarnermit paasisat, nittartakkami nutaami katersorneqassapput. Nittartakkami aamma issittumut tunngasunik nalorsitsaarutinik peqassaaq, taamaalilluni ilisimasat issittumut tunngasut misilinneqarsinnaaniassammata.
Allattoq Elisa Isaksen
decembarip 16-at 2009 07:14

Silap pissusaata allanngoriartornerata sammineqaleriartornerata kinguneranik, ilisimatusartunit Issittoq sammineqarneruleriartorpoq.

Tamatuma kinguneranik Danmarkimi Issittumut tunngasunik ilisimatusarnerpassuit ingerlanneqartarput, tamakkulu nittartakkami uani katersorneqarput: http://polarfocus.dk/

Ilisimatusarnermut suliniuterpassuit nittartakkami takulertorneqarsinnaasunngortinniarneqarput, ilaatigut makkununnga tunngasut: oqaluttuarisaaneq, peqqissuuneq, inuiaqatigiinnut aamma uumasunut tunngasut, allaaserisanik, immiussanik assinillu Issittumeersunik akoorlugit.

Nittartakkap nalorsitsaarisarfiani, ilisimasatit ilaatigut makkununnga tunngasut paasiniarsinnaavatit: isarukitsut aamma nannut sumi uumasuunersut, inuit siulliit qanga Nunatsinnut pinersut, Qalasersuarmi silap teqeqqui qassiunersut paasissutissallu eqqortut Issittumut tunngasut allat.