Ilisimatusarnermi paasissutissarpassuit atorneqarnerusariaqartut

Kalaallit Nunaanni ilisimatusarnernit inernerpassuit ilisimatusartunit atorfilinnillu atorneqarsinnaagaluit, atorneqarnissaminnut pitsaassusaat amigarput.

Taamaattumik Pinngortitaleriffimmi Nuummiittumik sapaatip akunnerani matumani suleqatigiittoqarpoq.

Kalaallit Nunaanni pinngortitami ataqatigiinnerit silallu pissusaata allanngoriartornera pillugu ukiut 22-it ingerlaneranni ilisimatusartut suleqatigiiffiat GEM paasissutissarpassuarnik katersisimavoq.

GEM-imi ilisimatusarnermi pisortaq Torben R. Christensen oqarpoq paasissutissarpassuit atorneqarnerusariaqartut.

- Atorneqassappata inuit ilisimasariaqarpaat nassaassaasut. Tassalu ilisimatusartut akornanneersut, aammali suliffeqarfinneersut ingerlatsivinneersullu.

AAMMA ATUARUK Forskning er porten til gode relationer

Taamaattumik ilisimatuut Pinngortitaleriffimmeersut, Asiamiit, GEUSimit, DMI-mit DTU-mit Københavnip Aarhusillu Universitetiineersut Nuummi Pinngortitaleriffiup illuutitaavani sapaatip akunnera una suleqatigiipput.

Suleqatigiiaat suleqatigiissutigaat sutigut pitsanngorsaasinnaallutik ilisimatusarnerminnilu suut agguaqatigiillugillu suleqatigiissutigisinnaanerlugit.

GEMip paasissutissaaterpassui pissarsiassaasut paasineqarpata suleqatigiinnikkut pitsaanerusumik ilisimatusartoqarsinnaavoq.

AAMMA ATUARUK Ilisimatuussutsikkut suleqatigiinneq nukittorsarneqarpoq

- Aap, taama isumaqarpunga. Paasissutissat amerlingaluttuinnartillugit pitsanngoraluttuinnassaaq, taanna oqarpoq.

GEM-imi suleqatigiinneq qulaajaassaaq, ukiullu 22-it ingerlanerini paasissutissat katersat assigiinngitsut 2000-it Nunatsinni pinngortitami ataqatigiinnerit soorlu kissassuseq, CO2 sermerluunniit pillugit suleqatigiittoqarsinnaalluni.

- Tamakku silap pissusaata allanngoriartornerata Kalaallit Nunaannut sunniutigisinnaasai pillugit siunnersuinermi pitsanngorsaataasinnaapput. Ilisimatusarnerulli iluani aamma sunniuteqarput, soorlu siunissamut eqqoriaasarnerni.

Tassalu suleqatigiinerup attaveqatigiinnerullu isumassarsiatsialaanerinut peqqutaasoq, amigaataalaarsimasorlu, Torben R. Christensen oqarpoq.

AAMMA ATUARUK Qaammataasamit assilisat atorlugit nunarput assilioraat

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat