Ilisimatusarneq nunarpullu

Danmarkimi kultur-imut attaveqaqatigiinnermullu siunnersuisoqatigiit aningaasaleeqqammerput. Aningaasat 100 mio. kr.-t missingi siunertanut assigiinngitsunut 60-t missinginut agguaanneqarput, ilaallu nunatsinnut attuumassuteqarlutik.

København-imi Eskimologisk Institut tapiissutinik annerpaanik pissarsivoq, suliniut taaguutilik: ”Kalaallit Nunaanni illoqarfimmiuuneq” – 2,9 mio. kr.-nik pissarsisinneqartoq. Ilinniartitsisup Søren Thuesenip oqaatigaa, naak nunatsinni inuit 80 %-ii illoqarfimmiuugaluartut issittumik illoqarfimmiunik paasiniaasarnerit akuttusut.

- Nunarsuarput tamaat umerualaarutsigu sumiikkaluaruttaluunniit nunaannarmit illoqarfinnut nuuttarnerit kingunerisartagaallu assigiissuteqarput. Søren Thuesen oqarpoq.

Paasiniaaneq ukiuni pingasuni ingerlanneqartussaq ilaatigut Sisimiuni inuusuttuuneq pillugu paasiniaanerussaaq, illoqarfimmiuunerlu atuakkiaatitsinni allaaserineqarsimasunittaaq paasiniaavigineqassalluni.

Aamma Tunup avannaarsuani nassaat Danmarkimiittut nunatsinnut utertittariaqannginnersut

paasiniagassat ilagissavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat