Ilisimatusarneq 100.000 koruuninik tunineqarpoq

Nunarput pillugu naalaaaffiup ilisimatusarfia SILA 100.000 koruuninik Danmarkimi ilisimatusarnermut attaveqarnermullu siunnersuisoqatigiinnit nersornaaserneqarpoq.

- Ilisimatusarneq ammasumik piumassuseqartumillu ingerlanneqartoq kingornutassanik ilisimasassanillu kivitseqataavoq, nersornaat taama oqaasertalerlugu SILA-p pisortaanut Bjarne Grønnow-imut maajip qulingiluaanni, ilisimatusarnerup attaveqarnerullu ulluani tunniuneqarpoq.

Aningaasarpassuit avammut paasissutissiisarnerup nutarsarneqarnissaanut atorneqassasut, Bjarne Grønnow qujassuteqarluni oqarpoq.

Naalagaaffiup katersugaasivissuani nunarput pillugu ilisimatusarfik SILA 1999-mi atulersinneqarpoq, tassani issittormiut qallunaatsiaallu oqaluttuarisaanerat ilaatigut sammineqarluni.

SILA inuusuttut ilisimatusartut soraarummeerutissaminnik suliaqarnerminni iluaqutigilluartarpaat, tamatuma saniatigut nunatsinni ilisimatusarneq pillugu atuagassiamik saqqummersitsisarpoq, issittumullu ukiorititami 2007-imi 2008-milu pisussami aamma suleqataalluni.