Ilisimatusarfiup pisortaa siulleq 90-iliisoq

Ilisimatusarfiup pisortaa siulleq, professori soraarneq Robert Petersen, apriilip 18-iani 90-iliivoq.

Robert Petersen 1967-imi Københavnip Universitetiani Eskimologimi magisterinngorpoq, ukiullu arfineq-pingasut qaangiummata professorinngorluni.

Ilisimatusarfimmi atorfininnginnermini Inuit Instituttimi pisortaavoq, Ilisimatusarfillu ammarmat siullerpaalluni rektoritut atorfeqalerluni, 1995-imilu soraarninngornissami tungaanut atorfigalugu.

Robert Petersen soraarninngornermi kingorna inuup inuiaqatigiillu pissusiinik ilisimatusaatinik aamma naggueqatigiit Inuit kulturiannik ilisimatusarnermik oqaasilerinermillu suliaqartuarpoq, kalaallisut, danskisut tuluttullu saqqummersinneqartartunik.

Robert Petersenip 90-iliineranut atatillugu Kalaallit Illuat Odensemiittoq ullumi pingasunngornermi kaffisortitsissaqq nal. 16.00-imit 18.00-imut.

- Kikkulluunniit tikilluaqqusaapput, Kalaallit Illuat nittartakkamini taama allappoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl