Ilisimatusarfissaq EU-mit aningaasalerneqarsinnaavoq

Ilisimatusarfissamik pilersitsiniarnermi, EU-p aningaasaliissutai atorluarniarneqartariaqartut, Ilulissani Inuit Ataqatigiinneersoq Bendt Broberg Kristiansen isumaqarpoq.

- Isfjordcenterip imariniartussaavai, Kangerluup eriagisap Kangiata paasissutissanik katersuiffigineqarnissaa, aamma silap allanngoriartornerata paasissutissartaanik katersiffiginissaa. Tassungalu tungatillugu Ilulissat kommunea aningaasanik ujartuivoq, iluatsillugulu EU-p siulittaasuata Barrosop tikeraarsimanera neriorsuisimaneralu Kalaallit Nunaannik ikiuiniarluni.

-EU aningaasaleeqataasinnaasuuguni, taava nunarsuarmiooqataasunut aamma ikiuutissagaluarpoq. Aamma nunatsinni paasissutissaatigut, nunarsuarmut siarummarterneqarsinnaalissagaluarput, Bendt Broberg Kristiansen oqarpoq.

Suliaq taanna maannakkut ingerlanneqarpoq aningaasaliisussarsiuunneqarluni, Naalakkersuisorlu Tommy Marø oqaloqatigineqaqqammerpoq, aammalu soqitiginnilluni nalunaareerluni.

- Uniffiugallarpulli aningaasalersorneqarnissaanut tunngasortaa. Neriuppugut Isfjordcenterip pilersinneqarnissaanut EU aqqutigineqarsinnaassasoq. Ilulissani IA sinnerlugu kommunalbeastyrelsemi ilaasortaq Bendt Broberg Kristiansen taama oqarpoq.