Ilisimatusarfimmik nutaamik pilersitsinissaq misissorneqarpoq

Ilisimatusarfimmik nutaamik Nunatsinni pilersitsisoqarnissaa maanna misissorneqalerpoq.

Ilisimatusarneq pillugu ministereqarfiup ullunik 2000-inngortorsiornermini pilersaarutinik saqqummiusseqqammerpoq, Nunatsinnilu silap pissusia pillugu ilisimatusarfiliortoqarnissaa ilaatigut misissorneqartoq eqqaaneqarpoq.

- Silap pissusia pillugu ilisimatusarfimmi silaannaap allanngoriatornera pillugu paasissutissat katersorneqarnissaat anguniarparput, ilisimatusarneq pillugu ministeri Helge Sander radioaviisimut oqarpoq.

Ilisimatusarfittaassap ilisimatusarfioreersumi inissisimasinnaanissaa imaluunniit nutaarluinnarmik pilersitsisoqarnissaanik periarfissat maanna misissorneqarput.

- Nunarsuaq tamakkerlugu silaannaap allanngoriartorneranik avatangiisillu pillugit oqallittoqarpoq, taamaammallu aamma pisussissamisoorpoq, ”Klimauniversitet”-ip Kalaallit Nunaanni inissisimanissaa, Helge Sander oqarpoq.

Misissuinerit ukioq naatinnagu naammassineqarnissaat ilimagineqarpoq.