- Nuannersupilussuuvoq, aamma ilinniarlutik naammassisut nunatta pisariaqartimmagit. Taamaammat qujamasuttorujussuuvugut, Gitte Adler Reimer oqarpoq.Assi: Ilimmarfik

Ilisimatusarfimmi taamaatiinnartut ukiut sisamat ingerlanerini ikileriarujussuartut

Taamaatitsiinnartut ikilisinniarlugit suliniutit iluatsimmata taamaatitsiinnartut aatsaat taama ikitsigisut rektori Gitte Adler Reimer oqarpoq.

Ilisimatusarfimmi ilinniartut taamaatiinnartut ikilisimapput.

Ilisimatusarfimmit kisitsisit naapertorlugit 45 procentii 2015-imi taamaatitsisimasut siorna 8 procentit taamaatitsisimapput. Aatsaat taama ikitsigisut Ilisimatusarfimmi rektori, Gitte Adler Reimer oqarpoq.

- Nuannersupilussuuvoq, aamma ilinniarlutik naammassisut nunatta pisariaqartimmagit. Taamaammat qujamasuttorujussuuvugut, Gitte Adler Reimer oqarpoq, ilinniartullu akornanni taamaatitsiinnartut procentiat aatsaat taama appasitsigisoq oqarluni.

AAMMA ATUARUK Ilinniakkaminnik naammassinnittartut amerlinissaat sukaterinikkut qulakkeerniarneqartoq

Ilinniakkalli ataasiakkaat ilinnialeqatigiikkuutaallu ilaat ikittuinnaammata, kisitsisit mianersuunneqassasut rektori oqarpoq.

Ilisimatusarfimmit ilinniartut akornanni taamaatitsiinnartut:

2019: 8 procenti

2018: 21 procenti

2017: 34 procenti

2016: 35 procenti

2015: 44 procenti

2014: 42 procenti

2013: 41 procenti

2012: 49 procenti

2011: 49 procenti

2010: 51 procenti

Paasissutissat: ”IlisimatusarfikUkiut qulit qaangiunneranni killiffik” Ilisimatusarfimmiillu kisitsisit

Ilinniakkaminnilli taamaatitsisut ukiuni kingullerni tallimani ikileriarujussuarput.

2010-mit 2013-imut ilinniartuni 43 procentit taamaatitsipput, kisitsisillu 2015- imut ilinniartut affangajaannit taamaatitsiffiusumut allanngorujussuanngillat.

Tassanngaanniilli taamaatitsiinnartut ikiliartulerput.

AAMMA ATUARUK Pitsaassutsimik qaffassaaniarneq inissaqartitsilluarnermut ajoqutaassaaq

- Nutaaq paasillugu nuanneqaaq. Aamma annertuumik suliniutigisimagatsigu. Suliniutitta ilaat iluatsissimammata assut nuannaarutigisorujussuuarput.

Tassalu siorna ilinniakkaminnik taamaatitsisut 8 procentiinnaapput.

Taamaatitsiinnartut ikilisinniarlugit ilinniagaqarfiit ilaannut ilinnialernissamut piumasaqaatit qaffanneqarput, siunnersorteqartitsinissamik ukiuni arlaqartuni aaqqissuussaqarpoq, ilaatigut soraarummeernermi annilaanganermik pinngitsoortitsiniartunik ilitsersuisoqartarluni ilinniartullu sullinneqarnerat pitsanngorsarneqarluni. Aamma ilinnialinnginnermi piareersaasoqartartoq, Gitte Adler Reimer paasissutissiivoq.

AAMMA ATUARUK Immikkoortortami pisortap ilinniartut piginnaasakippallaarsorai

Taamaatitsiinnartullu suli ikilisinniarlugit toraagaqarnerusumik suliaqarniarlutik, rektori oqarpoq.

- Ilinniartut atugarisaat Ilisimatusarfik tamakkerlugu qaammat kingulleq misissuiffigaarput, aammalu tassani nalilersoqqinnaassavarput, ilinniartut iliuuseqarfigisassatut pingaartutut suut taakkartorsimaneraat, Ilisimatusarfimmi rektori Gitte Adler Reimer oqarpoq.

Ilisimatusarfimmi piffissaq tamakkerlugu ilinniartut 2019-imi 714-iupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat