VIDEO Ilisimatusarfimmi allagartartaartut ullorsiornerat
Ilinniarneq, inuunermut assersuunneqarsinnaavoq.
Unammilligassaqartuartarpoq, naatsorsuutiginngisallu ilaanni aqqusaarneqartarput.
Tamaani Ilimmarfiup inersuani allagartartaarluni persuarsiornermi tamakkua sarsuatinneqanngitsuunngillat.
- Misigissuserpassuit ilinniartutut aqqusaakkagut. Pakatsisarnerit, ersisarnerit, oqiliallattarnerit nuannaartarnerillu, ilami misigissuserpassuit takanani issiagama eqqarsaatigaakka, bacheloritut allagattartaartoq, Per Kristian Nikolajsen, Inuiaat kulturiat oqaluttuarisaanerallu KNR-imut oqarpoq.
Aamma atuaruk Ilisimatusarfimmi ullumi allagartartaartitsisoqassaaq
Tamakkuli tamarmik qaangiupput. Inuunermi kapitali nutaaq aallartittussanngorpoq. Naallu ilagerusutat tamarmik najuutinngikkaluit allagartartaartut ullortik atorluarniarpaat.