Ilisimatusarfik pillugu inatsimmik allanngortitsineq kingunerlussinnaasutut nalilerneqarpoq

Inatsisartut ataatsimiinneranni Ilisimatusarfiup universitititut ingerlanneqarneranut inatsisissamut amerlanerussuteqartut ippassaq siunnersuutigaat ulluinnarni ingerlatsisunut - rektorimut, pro-rektorimut kiisalu institutlederimut - siunissami atorfinitsinneqartussanut - piumasaqaatit annikillisarneqarnissaat.

Ilisimatusarfimmi ilinniartitsisoqatigiit isumaqarput inatsimmik allannguinerup kingunerissagaa, atorfeqartussanut tunngatillugu universitetinut nalinginnaasumik piumasaqaataasartut appariarneri, ilaatigut aqutsisutut tunngavigineqarsinnaasut anguneqanngitsoornerinik kinguneqarsinnaasumik. Ilinniartitsinerni angusat piumasaqaatillu aamma ilisimatusarnermi suliarineqartartut inerneri appariassasut ilimagaat.

Ilinniartitsisoqatigiit aamma aarleqqutigaat, Ilisimatusarfiup akuerineqarluni suleqatissatullu ajukkunnanngitsutut inissisimanera apeqquserneqartalissasoq.