Ilisimatoorpassuit silaannaap allanngornera oqallisigileruttorpaat
Ilisilisimatusarnerup ineriartortinneqarnissaa anguniarlugu Amerikamiut ingerlatsiviat ukiumoortumik San Francisco-mi maanna ataatsimeersualeruttorpoq, oqaatigineqarporlu siullermeertumik tamarmiullutik isumaqatigiissutigisaminnik silaannaap allanngoriartornera pillugu apeqquteqaasioqatigiinniartut.
Ataatsimeersuartut piumasaqaatigaat suliffissuit gassimik aniatsitsiffiusut iliuuseqarfigineqartariaqarlutillu misissorneqartariaqalersut.
- Nunarsuup siuttui piaarnerpaaq atorlugu iliuuseqartariaqarput, ataatsimeersuartut oqaaseqaataat ilaatigut taama oqariartuuteqarpoq.
- Ilisimatuussutsikkut misissuinerup uppernarsaatissai erseqqilluarput: nunarsuup silaannaata allanngoriartorneratigut navianartorsiorneq, inummiit aallaaveqarpoq nunarsuatsinnullu tamanna navianartorsiortitsivoq, tamanna iliuuseqarfigisariaqarparput kinguaassagummi nammatassippagut, taama ilisimatusarneq pillugu ataatsimeersuartut oqarsimanerarneqarput.
Ilisimatoorpassuit 10.000-t tusagassiortorpassuillu nunani assigiinngitsuni 60-ineersut maanna San Francisco-mi silaannaap allanngoriartornera oqallisigileruttorpaat.
