Ilisimatooq ujaarineqartoq nassaarineqarpoq
Ilisimatooq USA-meersoq Sermersuarmi Summit Campimi sulisoq qamuteralannik sisamanngormat angalasoq ulluni pingasuni ujaarineqareerluni ajunngitsoq ullumi nassaarineqarpoq.
Allattoq Mads Lynge
40-nik issippoq ilisimatoorlu qerussorsimagaluarluni. Taanna napparsimmavimmut maanna innartinneqartoq, politiit ilisimatitsissutigaat.
Politiit sakkutuullu katillugit qulit angummik ujarlerput, timmisartorlu sakkutooqarfimmeersoq Challengerimik taaneqartartoq ujarlernermi atorneqarluni.
Silapiluppoq, erseqqarippallaaranilu, radarili atorlugu aamma ujarlertoqarmat angut 38-nik ukiulik nassaarineqarpoq.
Angut taanna Dronning Ingridip Napparsimmavissuani maanna uninngatinneqarpoq.