Assi: KNR

Arnat ulluat: Ilisimatooq nakuusertarnermut iliuuseqaqqusivoq

Arnanut kinguaassiutitigut kanngutsaatsuliortarnerit persuttaasarnerillu. Arnat suli sorsuutissaqaqisut, suiaassuseq naligiinnissarlu pillugit ilisimatusartoq oqarpoq.

Suiaassuseq naligiinnissarlu pillugit ilisimatusartoq, Marie Kathrine Poppel, arnat ulluannut atatillugu toqqaannartumik ualeq-manna apersorparput. 

Nunatsinni arnat ilinniagallit amerlanerupput - kisianni akissarsiakinnerullutik. Suiaassuseq naligiinnissarlu pillugit ilisimatusartup tamanna qanoq isumaqarfigineraa aperigatsinni ima akivoq:

- Pissutsit taamaattut akuerineqarsinnaanngilluinnarput. 

- Soorlu assersuutigalugu inulerisut akissarsiassaat isumaqatigiissutigineqareeraluartut, allaat iluarsiissutit imaluunniit tapisiassatik, ullumikkut tigusinnaaneq ajorpaat. Pissutsit taama ittut misissorneqartariaqaraluarput, sooruku taamaattut.

Pissutsit taamaannerat qanoq allanngortissinnaavagut?

- Arnat naqisimaneqartut imaluunniit iluarsaatassanik iluarsiisinnaanngitsut, soorlu nunarsuup sinnera eqqarsaatigissagutsigu, sakkoqarput. Sakkorisimavaallu, ukiuni makkunani takusagut, soorlu "MeToo"-kkut. Ammasumik oqallinneq anguniartariaqalerparput, kisitsisit kisiisa isiginagut.

AAMMA ATUARUK Arnat angutinit isertitakinneroqaat

AAMMA ATUARUK Arnat atugarisaat pingaartinneqanngippallaarput

"MeToo" tassaavoq arnat angutillu suliffeqarfinni assigiinngitsunik pineqarnerat, arnanut kinguaassiutitigut kanngutsaatsuliortarnerit persuttaasarnerillu akiorniarlugit attaveqaqatigiittarfiit aqqutigalugit suliniut.

Marsip arfineq-pingajuat arnat ulloraat. Kalaallit arnat ukiut tulliuttuni sorsuutigisassaanni suna pingaarnerpaava?

- Pingaartut eqqaasinnaasagut arlaliupput. Isumaqarpunga arnat ullumikkorpiaq atugaat ukunani iluarsiiffigineqartariaqalersut, soorlu; persuttaaneq, ikkatilliinerit taavalu aamma kinguaassiutitigut innarliisarnerit. Tamakku ullumikkut millisarujussuartariaqarput, Suiaassuseq naligiinnissarlu pillugit ilisimatusartoq, Marie Kathrine Poppel, oqarpoq.

AAMMA ATUARUK Kvinderne topper - mændene dominerer  

 

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl