Ilisimatooq malerujussuit ulinneralu nalinginnaanngitsut pillugit: Taama pisoqaqqikkumaarpoq

Paamiuni novembarip 14-ianni nalinginnaasumit 1 meterimik ulinneruvoq. Ilulissani aamma taama pisoqarpoq.

Paamiuni imaq tassanngaannartumik novembarip qiteqqunnerani ulerujussuarpoq, Ilulissanilu mallersorsuummat illut pingasut inuerutinneqartariaqarput.

Naqitsiniisaffik kitaanit anorersuartitsivoq, tamannalu Paamiuni novembarip ulluisa 14-ianni 1 meterimik ulinneruneranik kinguneqarpoq. Tamanna Ilulissani aqaguani malerujussuaqarneranut aamma pissutaavoq. Ilulissani nalinginnaasumit meterip affaanik ulinneruvoq.

AAMMA ATUARUK Ilulissani illunit pingasunit qimagussuisoqarpoq: Innuttaasut immap eqqaaniissanngitsut

DMI-mi ilisimatooq, Mads Hvid Ribergaard oqarpoq. Taassuma siunissami assingusumik pisoqaqqinnissaa naatsorsuutigaa.

Paamiut umiarsualivianut ulinnera ulerujussuarnissaanut akunnialuit siornatigut imaani annertuumi sivisujaamik kitaanit anorersuarujussuarneranik pissuteqarpoq.

Timmisartuussinissat tamarmik taamaatiinnarneqartut

Ilulissat eqqaani sakkortuumik anorersuarnera novembarip 15-ianni ulerujussuarneranik kinguneqartoq Ilulissat oqquisumiinnginneranik pissuteqartoq, ilisimatooq oqarpoq.

- Naqitsiniisaffik sakkortooq kitaani sineriammi novembarip ulluisa 14-ianni 15-iannilu anorersuarneranut pissutaavoq, Mads Hvid Ribergaard oqarpoq.

Foto: Arne Hermansen

 

Air Greenlandip nunatta kitaani novembarip 14-ianni timmisartuussinissani tamarmik taamaatippai.

AAMMA ATUARUK Paamiut nalinginnaanngitsumik ulerujussuaqqasoq

Ilulissanut tunngatillugu Ilulissat sineriaanut eqquisumik annertuumik iimisaarpoq anorillu pilersitaanik mallerluni.

Tamatuma saniatigut piffissap taamaalinerani uleqqangaatsiarnera ilanngukkaanni immap ulittarnerata tinittarnerata akornannit 1,3 meterit missaannik uleqqaneruvoq, ilisimatooq oqarpoq.

- Tamanna naqitsiniisaffiup taavunga ingerlaarneranut ataqatigiippoq, Paamiut siulliulluni eqqorneqarpoq Ilulissallu kingusinnerusumik eqqorneqarluni, Mads Hvid Ribergaard oqarpoq.

Taama pisoqareernikuusimanissaa ilimanartoq

Ulinnera takuneqartoq soorunami nalinginnaasuunngilaq. Naliginnaasuuppammi sumiiffinni taakkunani sanaartortoqassanngikkaluarpoq.

- Siunissamili taama pisoqaqqissinnaanissaa nalilerusuppara, tamannalu aamma siornatigut pereernikuusimassaaq, Mads Hvid Ribergaard oqarpoq.

- Qanoq akulikitsigisumik assingusumik pisoqartarnissaa ajoraluartumik oqaaseqarfigisinnaanngilara. Ukiut tallimakkaarlugit, qulikkaarlugit 20-kkaarlugit 50-ikkaarlugilluunniit pisarpa? Tamatuma akissutissarsinissaanut immap killinga piffissami sivisuumi uuttortarneqartariaqarpoq misissueqqissaartoqartariaqarlunilu, DMI-mi ilisimatooq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat