Ilisimatooq: Kalaallit Nunaat suli nunasiaataavoq
Kalaallit Nunaat teknikkikkut isigalugu Danmarkimit suli nunasiaasitigineqarpoq. Inuiaqatigiit pillugit immikkut ilisimatusarsimasoq, Saammaateqatigiinnissamullu Isumalioqatigiissiitami siornatigut ilaasortaasimasoq Klaus Georg Hansen taama isumaqarpoq, qallunaalli amerlasuut allatut isumaqarput.
Nationaldagen i Kolonihavnen 2016
Allattoq Helle Nørrelund Sørensen
juunip 02-at 2017 09:45
Videnskab.dk-mi taama ilaatigut allaaserisaqarpoq.
Kalaallit Nunaat 1953-imi nunasiaataajunnaarpoq Danmarkip ilaattut taamaanikkut isigineqalerluni.
Kalaallit Nunaatali Danmarkip ataani inissisimalluni teknikkikkut isigalugu suli nunasiaatigineqartoq kalaallit amerlanerit isumaqartut, qallunaat amerlasuut allatut isumaqarput. Klaus Georg Hansen taama inerniliivoq.
Taamaattoqarnera Kalaallit Nunaata Danmarkillu akornanni ullutsinni aporfiusoq Klaus Georg Hansen isumaqarpoq.
Danmarkip isummani aatsaat allanngortippagu Kalaallit Nunaat aatsaat ingerlariaqqissinnaalissaaq.
AAMMA ATUARUK Nunasiaataaneq kalaallinit oqaluttuarineqartoq