Ilisimatooq: Issittumi pilerngussassaqanngilaq
Nunat Issittumiittut Issittumi pisuussutinik pilerngunnerannik oqallinnerujussuaq nunani tamalaani pissutsit pillugit Danmarkimi ilisimatusarfimmeersup Svend Aage Christensenip uparuarpaa.
Nunat issittumiittut pisuussutinut siulliuniullutik sorsuunnerannik oqalunneq tunngavissaqanngitsoq, Svend Aage Christensenip nunat tamalaat ataatsimeersuarnerannut atatillugu oqalugiarnermini ilaatigut oqaatigaa.
- Pisuussutit, soorlu uulia, gassi, aatsitassallu akilersinnaasumik qallorneqarsinnaasut, nunamiinngikkaangamik nunat sineriaaniiit avammmut 200 sømilinik killeqarfiup iluaneereersut oqaatigineqarpoq. Allatut oqaatigalugu, pisuussutit tamakku pigineqareerput, Svend Aage Christensen oqarpoq.
"Issittumi sorsunneq"-mik taagorneqarnera immap naqqanik uuttortaanermik pissuteqarpoq, tamatumani pineqarluni nunat issittumiittut immap naqqanut, nunap toqqaviata avataaniittumut, sapinngisamik annerpaamik oqaasissaqarusunnerat.
- Matumani paasissutissat katersorneqartut aallaavigalugit aamma malittarisassat inuiaat pisinnaatitaaffiinut tunngasut naapertorlugit aalajangiisoqartussaavoq. Pisuussutit, nunap toqqaviata avataaniittut nassaarineqarsinnaasut, matumani pineqanngitsut, Svend Aage Christensen Oslomi ataatsimeersuartuni erseqqissaavoq.
