Ilisimatooq: Inuit uumasullu naleqqussassaqqaarput
Allattoq Najaaraq Egede
maajip 27-at 2006 16:51
Silaannaap kissakkiartornerani nannut atugarliornerulernissaat Nunavumi naalakkersuisut ernummatiginngilaat.
Mitch Taylor, pinngortitaleriffimmi atorfilik, isumaqarpoq, inuit uumasullu issittormiut silaannaap kissakkiartornera sungiukkumaaraat.
-Uppernarsaatissaqanngilarmi nannut silaannaap allanngornera sapissagaat; taamaassappammi nunarsuatsinni uumasut tamarmik silaannaap kissakkiartorneranit eqqugaasussaasut, Mitch Taylor nalunaarusiamini saqqummiussamini allappoq.
Issittup nanua uumasunut nungulersunut ilaanerarlugu USA-p ilanngutititsimaneranut nalunaarusiaq akissutaavoq.
Ilisimatuut ukiut kingulliit qulit ingerlaneranni maluginiarsimavaat Hudsonip Kangerliumanersuani nannut 1200-niit ikileriarsimasut maanna tusindit inulersimallugit.
