Illumit perusuersartarfimmiillu eqqakkat illunit meterialuinnarnit ungasitsigisumiipput, ukiunilu aqqanilinni taamaassimalluni.Assi: Nielsine Inusugtoq

Ilisimatooq eqqaavissuit pillugit: Aaqqiigasuaatissaqanngilaq

Nunatsinni sumiiffinni assigiinngitsuni eqqaavissuarnit mingutsitsisoqarlunilu tipersuaq naamaneqarsinnaavoq. Ajornartorsiutip qaangernissaanut eqqaavissuit eqqagassalerinerlu allaanerusumik aaqqissuunneqartariaqarput. Matumanilu innuttaasut ilaassapput, taamaanngippammi attartuumik aaqqiissutisisoqarnavianngitsoq, ilisimatooq oqarpoq.

Illunit eqqakkat, eqqakkat angisuut, pequtit igitat perusuersartarfinniillu eqqakkat eqqaavinni ammaannartumi amerliartuinnartillugit eqqaavissuaqarnerup qaangernissaanut aaqqiigasuaatissaqanngilaq.

- Imaaliallaannarlugit aaqqinnissaannut sukkasuumik iliuusissaqanngilaq, Nunatsinni eqqagassalerisarnermut immikkut ilisimasalik, ph.d-rlu Rasmus Eisted oqarpoq.

Eqqaavissuit ajornerusut ilaat Ikerasaarsummiippoq. Tassanimi illumit perusuersartarfinniillu eqqakkat illunit meterialuinnarnik ungasitsigisumiipput, ukiunilu aqqanilinni taamaaginnarsimavoq.

Nunatsinnilu sumi tamani nakkutigineqanngitsunik eqqaavissuaqartiterpoq. Nunatsinni eqqaavissuarnit 72-iusunit 69-it 2015-imi nakkutigineqanngitsuupput, ammaannartut, avatangiisinut mingutsitsinngitsutut akuerisaanngitsut uninngajuaannartullu.

Allaanerusumik iliortoqassasoq

Nunaqarfinni eqqaavissuit ammaannartut ukiut arlalialuit allortarlugit imaarneqartanngikkunik ikuallanneqartarput. Tamatumali kingorna ulikkaaqqitarput, tipiliulertarlutik mingutsitsinerlu nangeqqittarluni.

Taamaammat piuneerutsinneqassappata allaanerusumik aaqqissuussisoqartariaqarpoq. Eqqagassat isumannaatsumik tunniussinnaanissaat immikkoortiterluarsinnaanissaallu pisariaqartoq, Rasmus Eisted oqarpoq.

- Eqqagassat navianartut naviananngitsullu immaqalu atoqqinneqarsinnaasutut nassiunneqartussat sumiiffimmiluunnit atoqqinneqarsinnaasut immikkoortertarlugit, immikkut ilisimasalik oqarpoq.

AAMMA ATUARUK Tipermiuukatappugut

 

Nunaqarfiit tamarmik assigiinngitsuupput, taamaammallu tamarmik immikkut aaqqiissuteqarfiginissaat aamma pisariaqarpoq. Matumanilu kommunit innuttaasunik qanimut suleqateqarnissaat pingaartorujussuuvoq.

- Taamaaliornikkut innuttaasunit atorneqarsinnaasumik taakkulu aaqqiissutaalluartutut isigisinnaasaannik aaqqiissuteqartoqassaaq, Rasmus Eisted oqarpoq.

Ikerasaarsummi innuttaasut eqqaavissuup iliuuseqarfigineqarnissaa pillugu ukiut aqqanillit ingerlaneranni kommunimut qasseeriarlutik saaffiginnittarput. Innuttaasullu nammineq allannguerusussuseqarnerat aallaavissaalluartoq, Rasmus Eisted oqarpoq.

- Peqataasariaqarput, taamaanngippammi pitsaasumik aaqqiissutissaqarnavianngilaq.

Naak aaqqiigasuaatissaqanngikkaluartoq atanertuumik aaqqiinissap tungaanut arlaatigut aallartiffissaqarpoq.

- Malittarisassat pioreersut malinneqarsinnaapput. Assersuutigalugu eqqagassat ulorianartut katersorneqarsinnaapput taakkulu isumagineqarluarnissaat sulissutigineqarsinnaalluni, Rasmus Eisted oqarpoq.

Naak sukkasuumik aaqqiissuteqartoqarsinnaanngikkaluartoq atanertuumik aaqqiissutissap suliarineqarnerani aallartittoqarsinnaavoq.

- Malittarisassat pioreersut malinneqarsinnaapput. Assersuutigalugu eqqagassat ulorianartut katersorneqarsinnaapput taakkulu isumaneqarluarnissaat sulissutigineqarsinnaalluni, Rasmus Eisted oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat