Ilisimatooq: Danskit ataasiaannaratik salluliortarsimapput

Folketingimi Atlantikup avannaani qinikkat suleqatigiiffiata nunatta namminersulivinnissaanut inatsisitigut periarfissat misissorneranut atatillugu attuumassuteqanngitsunik misissuisut misissuineranni paasivaat Danskit nunarput Savalimmiullu pillugit salloqittaasarsimasut. Danskit politikkimik taamani suliaqartui nunatsinni Landsrådimut ilaasortanut Naalagaaffiit Peqatigiinnut salluliortarsimapput, nunatta Danskit nalagaaffianut ajornannginnerusumik nunasiaatinngortinneqarnissaa piniassammat.

Allagaatit Danmarkimi naalagaaffiup toqqorsiviani kiisalu Naalagaaffiit Peqatigiit aamma toqqorsiviani nassaarineqarsimapput, uissuuminartoqarneralu pissutigalugu ilanngullugu nalunarusiarisariaqarsimallugu.

1950 sikkunnili salluliuutigineqartarsimasut suli nutaanerusunik ilaqarput. Danskit ministeriaqarfiinit aallartitat allaat ukiut sisamat matuma siorna nunarput Svalimmiullu namminersulerusunngitsutut salluliuutigineqartarsimaasut, Mininnguaq Kleist Filosofiimik ilisimatusarsimasoq oqaluutuarpoq