Ilisimatooq: Borgmesteritut qinigaasimagaanni ulloq unnuarlu borgmesteriusoqartarpoq

Borgmesteritut qinigaasimagaanni ulloq unnuarlu borgmesteriusoqartarpoq. Piumallerlunilu borgmesteritut ujammik iligallarneqarsinnaanngillat, soorlu Qaasuitsup Kommuniani borgmesterip, Ole Dorph-ip Ilimanami innuttaasunut paasisitsiniaanerup nalaani ataatsimiinnermi peqataalluni oqaatigigaa, inuinnartut peqataanini.
Allattoq Apollo Jeremiassen
oktobarip 11-at 2013 05:47

Ole Dorphip inuinnartut peqataasutut imminut nalilernera, kommunit pillugit ilisimatuup, Danmarks Medie og Journalisthøjskole-mi atorfeqartup, Roger Buchip aamma paasisinnaannginnerarpaa.

- Borgmesterip borgmesteriunini qaqugukkulluunniit qimakkallarsinnaanngilaa, oqarluni tassa ullumi borgmesteriunngilanga inuinnaavunga. Soorunami borgmesterijugaanni qinigaaffik tamaat ulloq unnuarlu borgmesteriusoqartarpoq.

Roger Buch oqarpoq. Taassuma aamma oqaatigaa innuttaasut tusarniarneqarneranni borgmesteritut takkutinnginnermik oqalunneq innuttaasunut tusartissallugu tulluartuunngimmat, tassami innuttaasut puigorallarsinnaanngimmassut Ole Dorph borgemsteriusoq.

- Innuttasut katerisimaartut tamarluinnarmik borgmesteri peqataasoq ilisimavaat aamma innuttaasut oqallinneri naapertorlugit borgmesteri politikerisut nammineerluni isumminngitsoornaviarani.

Danmarks Medie og Journalisthøjskole-mi kommunit pillugit ilisimatooq, Roger Buch taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq