Amerikamiut Kalaallit Nunaannut qanilliniarnerat Københavnimit qanimut malinnaaffigineqartoq, Jon Rahbek-Clemmensenip nalilerpaa.Assi: KNR

Ilisimatooq: Amerikamit aallartitat qaninnerusumik atassuteqaammik pilersitsissapput

Amerikamiut aallartitat sapaatip akunnerani matumani Nuummiipput. Amerikamiut aallartitat allat sapaatip akunnerata siuliani illoqarfiit pingaarnersaanniipput. Nunanut allannut tunngasunut naalakkersuisoq oqaaseqarumanngilaq.

Amerikamit aallartitarpaaluit sapaatip akunnerani matumani Nuummiipput. Taakkunani peqataasut ilaat qaffasissumik atorfeqartoq, amerikamiut nunanut allanut tunngasunut politikkiata naammassineqarnissaanik isumaginnittartuuvoq. Amerikami sillimaniarnermut siunnersuisooqatigiinni ilaasortanik aamma peqataasoqarpoq.

Danskit nunanut allanut tunngasunut ministeriata, Jeppe Kofodip (Soc) nunanut allanut tunngasunut naalakkersuisumik Ane Lone Baggerimik (S) ataatsimeeqatiginnikkiartorluni Nuumiinnerani amerikamiut aallartitat Nuummiipput.

KNR-ip amerikamiu qaffasissumik atorfilik, Thomas Ulrich Brechbuhl oqaaseqartinniarsarigaluarpaa. Ane Lone Bagger aamma oqaaseqartinniarsarigaluarpagut – tamarmilli oqaaseqartinnissaa iluatsinngilaq.

Sapaatip akunnerata siuliai amerikamiut sinerissami alapernaarsuisuanni naalakkani qaffasinnerpaamik atorfeqartoq, Karl Schultz aamma tikeraarpoq.

Illersornissamik Ilinniarfimmi lektorip, Jon Rahbek-Clemmensenip oqarnera naapertorlugu amerikamiut aallartitanik qujageqqunera USA-p Kalaallit Nunaanni sakkutooqarnerunissamik pisariaqartitsineranik pissuteqarpoq:

- USA-p Kalaallit Nunaanni sakkutooqarnerminik annertusaarusunnera tamanut ersarippoq. USA-li taamaaliorusukkuni kalaallit tamatumanik iluaqutissaqassasut takutissallugu pingaaruteqarpoq, lektori oqarpoq.

Amerikamiut pilersaarutigeqqaakkaminnut uteqqittut

Amerikamiummi attavigissaarusupput sakkutooqarnerullu pitsanngorsarnissaanut kalaallit polikerit qanoq piumasaqarnerlutit namminneq erseqqissuliarissavaat.

Taakkuli præsidentip Trumpip Kalaallit Nunaannik pisinissamik isumassarsineranik ingerlatseqqinngitsut, Jon Rahbek-Clemmensen naliliivoq:

AAMMA ATUARUK Amerikansk delegation diskuterede råstofområdet med naalakkersuisoq

- Kalaallit Nunaata pisiarinissaa Trumpip attaveqatigiissutinilu isumassarsiaraat. Tamanna ataqatigiissumik aaqqissuussinermut pingaaruteqarpallaanngissoraara. Maannalu ataqatigiissumik aaqqiissuussinermi nunanut allanut tunngasumi politikkimik ingerlanneqartumiilerpugut, Trumpip pisinissamik neqerooruteqannginnerani sammivigineqartumut uteqqippugut. Sammivik taanna kalaallinut nuannareqqusaarneruvoq.

Rahbek-Clemmensen: Danmark ernumavoq

Jon Rahbek-Clemmensenip oqarnera naapertorlugu danskit nunanut allanut tunngasunut ministeriata, tikeraarnera Kalaallit Nunaata Danmarkimut pingaaruteqarnerulerneranut – aamma Kalaalit Nunaata USA-mut pingaaruteqarnerulersimaneranut takussutissaavoq.

- Arlaat USA-mut pingaaruteqaleraangat taanna Danmarkimut aamma pingaaruteqalertarpoq, Jon Rahbek Clemmensen oqarpoq.

AAMMA ATUARUK Tusagassiuutit: Pompeop bulldogia Trumpimit Kalaallit Nunaannukartinneqarpoq

Tamatuma saniatigut amerikamiut Kalaallit Nunaannut qanilliniarnerat Københavnimit qanimut malinnaaffigineqarpoq. Kalaallit Nunaat USA-lu Danmarkimik avaqqutsinissaat danskit allaffiini aarlerissutigineqartoq, Jon Rahbek-Clemmensenip nalilerpaa.

- USA-p kalaallinut illuatungaaniillu, attaviit Naalagaaffeqatigiinni nalinginnaasumik atorneqartartut tassa nalinginnaasumik Danmark avaqqullugu toqqaannartumik oqaluuttoqartalernissaa ernumagineqarpoq, Jon Rahbek-Clemmensen oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat