Ilisimatooq: Ajoqaaq naalakkersuisut pisisimanngimmata

Grønlandsbankimut piginneqataassutit Danske Bankep tuninialermagit Naalakkersuisut pisiarisimasariaqaraluaraat suliffeqarfinnik ingerlatsinermi nalilersuisartoq Bjarne Jensen oqarpoq.

Grønlandsbankip Vestjysk Bankillu ukiormanna siusinnerusukkut kattunnissaannut itigartitsinermikkut akisussaaffik qinikkat tigusariaqaraat Bjarne Jensen isumaqarpoq. Itigartitsinerup kingorna Danske Bankip piginneqataasutsini qallunaat aningaaseriviinut marlunnut savalimmiormiullu sillimmasiisarfiannut tunivai.

-Aningaaseriviit kattunnissaannut itigartitsinermikkut Grønlandsbankip innuttaasunut iluaqutaasumik sunniuteqarnissaanut qinikkat akisussaassuseqarlutik ikorfartuisariaqaraluarput. Piginneqataassutsinik tuniniaasoqarmat naalakkersuisut pisisimasariaqaraluarput, taamaalillutik nittarsarlugu ingerlatsineq tapersersoritsik.

Bjarne Jensenip erseqqissaatigaa nalinginnaasuusoq naalakkersuisut aningaaserivinnik piginneqataasarneri, soorlu Norgemi taamaattoq.