Ilisimasassarsiortut timmisartuata aseqqukui nassaarineqanngitsoorput
Timmisartup marlunnik motoorillip Latham 47-p issittumi ilisimasassarsiortartoq Amundsen, timmisartortartoq Leif Dietrichson aamma timmisartup inuttai sisamat franskiusut ilaasoralugit juunip 18-anni 1928-mi nakkarpoq.
Svalbardimi Bjørnøyap avannamut kitaani imartaq 120 kvadratkilometerinik annertussusilik ujaasiffigineqaraluarpoq. aqqartartut teknikkikkut atortorissaarnerpaat atorlugit ujaasisoqaraluarpoq. nassaarisatuaalli tassaasimapput ujarak, arferup saarngi, qalorsuamerngillu.
Ukiut tallimat ingerlaneranni aappassaannik timmisartup nakkarfigisimasinnaasaa ujaasiffigineqarluarpoq.
- Amundsenip timmisartuanik ujaaseqqittoqarnavianngilaq. Tromsømi timmisartunut katersugaasiviup pisortarisimasaa Kjell Lutnes Norgimi nutaarsiassaqartitsivimmut NTB-mut oqarpoq.
