Ilisimasassarsiortut akuerineqartarnerat Nunatta akisussaaffigilissavaa

Kalaallit Nunaanni lisimasassarsiorluni angalaniartut akuersissutinik tunineqartarnerat Københavnimi isumagineqartartoq, ukiortaamit Nuummut nuunneqassaaq.
Allattoq Jaaku Lyberth
oktobarip 27-at 2009 09:03

Ilisimasassarsiorlutik angalaniartut akuersissutinik tunineqartarnerat, danskit pisortaqarfiinit maannamut oqartussaaffigineqartoq, Namminersorlutik Oqartussanit oqartussaaffigineqalissaq.

Kalaallit Nunaanni ilisimasassarsiorniartut 110-t 120-llu missaannik amerlassuseqartut ukiumut qinnuteqartarput, ilaat ilisimatuussutsikkut ilisimassassarsiortut allallu ilaatigut sermersuaq itivillugu angalaniartut.

Angalaniartut vhf-radiumik atuisinnaanermik akuersissuteqarnissaat aamma sillimateqarnissaat, soorlu ajutuulernermi ikiorneqarnissamut matussusiisussamik, qinnuteqaatip akuerineqarnissaanut piumasaqaatavoq,

Akuersissutit tunniunneqartarnerat Nunamut namminermut, Pinngortitamut Avatangiisinullu Naalakkersuisoqarfimmit suliarineqartalissapput. Aamma ilisimasassarsiorluni angalaniartunut akuersissut ataaseq 4000 koruuneqartalissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq