Ilisimasassarsiornissamut kalaallinik inuusuttunik marlunnik pissarsiortut

Ukiormanna angalanissaq Canadami Ottawami juulip arfineq-pingajuani aallartissaaq. Angalaqatigiit 150-iusut Kuujjualiassapput, tassanilu umiarsuarmut ilaaffissaminnut ikissallutik.

 Tuluttut oqalussinnaaneq piumasaqaataavoq. Inuusuttut taamatut ukiullit nunarsuarmi tamaneersut katillugit 85-it angalanermi peqataassapput.

Aammattaaq ilisimatuut 35-t allallu 30-t angalaqataassapput. Taakkulu Issittumut tunngasunik ilinniartitsissapput,  Students On Ice tusagassiorfinnut nalunaaruteqarluni taama allappoq.

Umiarsuaq nunatta kujataanukarsinnarluni kitaata sineriaatigut Kangerlussualiassaaq.

Aqqutaanilu naasut, uumasut silallu pissusia sammineqassapput.

Peqataaniarluni sapaatit-akunnerini tulliuttuni pingasuni qinnuteqartoqarsinnaavoq.

Piumasaqaatit qinnuteqarnermilu immersugassaq ingerlaqqiffissami ataaniittumi pissarsiarineqarsinnaapput.