Ilisimasassarsiorlutik angalasut kinguaattuulaarput

Eqaluit avatataani sikoqarpallaarnera pissutigagulu, umiarsuarmut ilaaffigisassaannut ikaarsinaanngillat. Umiarsuaq taanna Eqaluit avataanni kangerlummiippoq.

Ilisimasassarsiorlutik angalaqataasut 100-nik amerlanerusut ullut arlaqartut Eqalunniittariaqarsimapput.  Taakkununnga ilaavoq kalaaleq ilinniagaqartoq Ivalu Christensen Sisimiuninngaanneersoq.

Angalasut taakkua sammisassaqartinniarlugit Eqalunni innuttaasut aliikkusersuinermik aaqqissuussipput.

Canadap sineriaani umiarsuaq nakkutilliissut  Des Grosseilliers aggersarnerpoq.  Umiatsiaaqqat angallatigalugit ilinniartut ilisimatuullu umiarsuarmut angallanneqarput. 

Umiarsuup sinerissami nakkutilliissutip ilisimasassiorlutik angalasut Eqaluit avataannut sikoqanngitsumut ingerlappai, ilisimasassarsiorlutik angalasut umiarsuaannut apuullugit.  

Ilisimasassarsiorluni angalaneq maana aallartippoq.  Umiarsuaq Qeqertaalumeereeruni nunatsinnut ingerlaalissaaq, uummannamullu tikinissaa naatsorsuutigineqarpoq, pingasunngorpat aggustip ulluisa arfineq pingajuanni. Kisianni tassa Eqalunni sikunik akornusersoqarlu kinguaattoorneq - Uummannamut tikinissamut kinguaattoortitsinnaavoq.

Ilisimasassarsiorluni angalaneq Students on Ice nittartakkakkut www.studentsonice.com -ikkut malinnaavigineqarsinnaavoq.