Ilisimasassarsioriat misigisaqalaavipput

Danskit issittumi ilisimasassarsiortut LOMROG-3 qalasersuarmut ingerlaatut, Norge-miut angallataat ulluni arlalinni sikumi nikeriarsinnaani ajornartorsiortoq ullumi ikiorpaat.
Allattoq Jaaku Lyberth
aggustip 04-at 2012 16:16

Norge-miut angallataat sikukkut immakkulllu qaatsiarluni ingerlaarsinnaasoq, danskit issittumi ilisimasassarsiortut assigalugit ilisimasassarsiornikut sulianik arlalinnik suliaqarpoq.
Angallatip taassuma atortussaanik norskit illersornissamut timmisartuanit nakkartitsiffigineqarpoq.

Issittumi ilisimasassarsiorluni angalanerup  LOMROG-3-ip  qalalersuup imartaata naqqa 150.000 kvadratkilometerisut annertutigisoq naalagaaffeqatigiinnermut ilaanera ilisimatuussutsikkut uppernarsiniartussavaa.    Norge-miut angallataat ikiorneqareerpat ilisimasassarsiorlutik angalasut, Norge-miut angalaqatigalugit,   qalasersuup imartaata naqqata kitaaniittoq  qaqqaq Lomonosov misissuiffigissavaat.

Danskit ilisimasassarsiorlutik angalasut Svalbard-imiit julip 31-ani aallarput. Angalanerisa ulluisa aappaanni nanoq naammattoorpaat, DR.DK nittartakkamini taamatut allaaserisaqarpoq.

Umiarsuaq  sikusiut qalasersuup tungaanut angallatigineqartoq siku issusuukkut tigussimaqisukkullu maanna ingerlaarpoq, nalunaaquttap akunneri 24it kingulliit knobit sisamat sakkassuseralugit ingerlaarluni, tassalu time-mut fire sømil ingerlaarluni.

Ilisimasassiorlutik angalasut  septembarip 14-iani Svalbard-imut uternissaat naatsorsuutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq