Ilisimasanik eqiterivissaq GTE-p taperserpaa
-Kinguneqarluartumik suleqatigiinnissatsinnut qilanaarpugut, ilisimasanillu Ilulissani eqiterivik aqqutigalugu Avannaani inuussutissarsiorneq ineriartortinneqarsinnaasoq qularutiginngilarput, Kalaallit Nunaanni Takornariaqarnermi Inuussutissarsiornermilu Siunnersuisoqatigiinni pisortaaneq, Thomas Rosendkrands, oqarpoq.
-Aatsitassarsiorneq uuliasiornerlu Avannaani aallartippat piareersarsimannginnerput pillugu nuanniitsumik tupaallatsitaarusunngilagut, taamaammat Ilulissani inuussutissarsiornermi siunnersuisoqatigiit siulittaasuat, Ole Dorph, tapersersorluinnarparput. Ilisimasanik Ilulissani eqiteriveqarnissaa iluaqutaassaqaaq, Thomas Rosendkrans aamma oqarpoq, nangipporlu:
-Ilisimasanik eqiterivimmi sulilersussat suleqatigilernissaat qilanaaraarput soqutiginartillugulu, taakkumi peqatigalugit inuussutissarsiornerup ineriartortinneqarnissaa qulakkeersinnaavarput, Kalaallit Nunaanni Takornariaqarnermi Inuussutissarsiornermilu Siunnersuisoqatigiinni pisortaaneq, Thomas Rosendkrans qalleqqissaavoq.
