- Ikiortissaqanngitsutut saaffissaqanngitsutut misigisimaneq taanna annertoorujussuusinnaasarpoq. Taavalu soorlu kanngusunnerujussuaq, imminullu pisuutinneq annertuumik pigineqartarput, Inuk Bourup Bang oqarpoq.

Ilisimasalik: Kanngusunneq imminullu pisuutinneq tunuarsimaartitsisarput

Arnat nikanarsarneqarlutik tiingaffigitissimanertik pillugu saqqummertut sooq aatsaat maanna saqqummernerat inuit ilaasa apeqqusersorpaat. Tamannali nalinginnaasuusoq tarnip pissusaanik ilisimasalik oqarpoq.

Kiserliorneq, kanngusunneq kamannerlu.

Arnat nikassarneqarlutik tiingaffiginiarneqarsimasut kingunerluutigisinnaasaasa tamakkua ilagigaat, tarnip pissusimasalik oqarpoq.

Nikassarneqarluni tiinganiarfigitissimasut suliassanngortitsisannginnerat imminut pisuutinnermik kiserliornermilluunniit aallaaveqarsinnaasartoq, tarnip pissusianik ilisimasalik oqarpoq.

- Ikiortissaqanngitsutut saaffissaqanngitsutut misigisimaneq taanna annertoorujussuusinnaasarpoq. Taavalu soorlu kanngusunnerujussuaq, imminullu pisuutinneq annertuumik pigineqartarput, Inuk Bourup Bang oqarpoq.

Killissanillu qaangiivigineqarsimatilluni angutit pissusilersuutaat unioqqutitsinerunersoq arnat nalornissutigisinnaasarpaat.

Arnat Siumumut allattaanerusimasumit nikanarsagaallutik tiinganiarfiginerarneqartut misigissutsit taakku ilaatigut aqqusaartarsimavaat.

Tarnip pissusaanik ilisimasaliup oqarnera naapertorlugu misigissutsit taakku arnat killiliiuminaannerannut peqqutaaqataasinnaapput.

Nalorninerup, ersiornerup annilaangerillu sunngitsuusaartitsisartut

Nikanarsaalluni tiinganiartoqartarnera pillugu oqallinneq arnat qulit Siumumit attuumassuteqartut partiip siulersuisuunerinut taama pineqartarsimanertik pillugu allagaqarmata, tamakkua saqqummeralerput.

Allakkat Mikael Petersenip partiip allaffeqarfiani oqaatsitigut iliuuserisartakkamigullu killissanik qaangiisarsimaneraanernik imaqarput. Arnat allaqataasut ilaat allakkat tamanut saqqummiunneqareernerini saqqummerput. Taakkununnga ilaavoq folketingimut ilaasortaq Aki-Matilda Høegh-Dam.

"Nalorninerup, ersiornerup annilaanganerullu kinguneranik illaatigisuusaaginnartarpagut. Qaavatigut soraarsitaanissamut nilliaffigineqarnissamullu annilaanganeq, qungujulasuusaarnersuarlu." Allakkamini ilaatigut taama allassimavoq.

AAMMA ATUARUK Aki-Matilda Høegh-Dam: Mikael Petersenimit inniminniilliorfiusunut ilaavunga

Misigissutsit, soorlu qianeq illarnerlu, qaratsamit aallaavii assigiittut tarnip pissusaanik ilisimasalik nassuiaavoq. Killissanillu qaangiivigineqarnermi misigissutsit illuatungerluinnaanik qisuariartoqarsinnaasarluni.

- Illersuutaavoq aamma illarneq, tarnikkut sunngitsuusaanermik illersuutaavoq. Soorlu annilaangatilluni illalersinnaasartugut.

Folketingimi ilaasortap nikanarsarneqarluni tiinganiarfigineqartarnermini iliuusissaarulluni "qeriinnartarnikuunini" aamma oqaluttuaraa.

Annilaangatillunilu inuup illersuutai namminneq "ikittarput", soorlu piareersimaffiginngisamit pisoqartillugu.

- Sianiuteqarfitsinni qarasaqarfitsinni illersuuteqarpugut. Uagut nammineq aqutarinngisagut. Arlaannik ilimaginngisatsinnik pisoqariataarpat qaratsatsinnit kalerrisaarut ikittarpoq.

- Qisuariaateqartarpugut, qimaasinnaavugut imaluunniit akiuussinnaavugut. Imaluunniit taakku marluk pisinnaanngikkaangata qerisoortarpugut, Tarnip pissusaanik ilisimasali Inuk Bourup Bang oqarpoq.

 

Nikanarsaalluni tiingasoqartarnera Oqalliffimmi oqallisigineqarnera uani takujuk:

Oqalliffik, KNR 05.03.2020

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat