Ilisarnaatit paasiuminaatsinneqarput

Angerlarsimaffinni atortorissaarutit, soorlu qerititsiviit, nillataartitsiviit assigisaasalu, avatangiisinik mingutsitsinnginnerinik sarfatorpallaannginnerinillu nalunaaqutsersorneqartarnerat paatsiveerunnarpoq! Atuisut ilaat Radioaviisimi ippassaanikkunni taama erseqqissaavoq. Danmarkimi Elsparefondip taamungaannaq misileraanerata takutippaa nillataartitsiviit/qerititsiviit quliugaangata sisamat kukkusumik nalunaaqutserneqartartut.
novembarip 19-at 2009 07:33

Igaffimmi atortut assigiinngitsut innaallagiatorpallaanngitsut atuisartut amerlanersaasa qinertarpaat. Soorlu nillataartitsiviit/qerititsiviit A+-imik imaluunniit A++-imik nalunaaqutsersimasut pisiarerusunnerusarlugit.

Tamakkuninngali sanaartortartut nalunaaqutsersuisarnerat ajornartorsiutitaqarpoq. Danmarkip Radioata nittartagaani tamanna atuarneqarsinnaavoq.

Elsparefondip misissuisitsinerani erserpoq, qerititsivinni/nillataartitsivinni qulini misissukkani sisamat nalunaaqutserneqarnerini allassimasumit sarfamik atuinerusartut.

- Atuisut nalorninartorsiulertarput, sarfamillu atuinikinnerusumik pisinerlutik naatsorsuutigisinnaanngilaat, aamma A+-imik nalunaaqutalimmik pisigaluarunik. Elsparefondimeersoq Mads Lindvall Kristiansen oqarpoq.

Nillataartitsiviit/qerititsiviit AEG-mik, Candymik, Elektroluximik Gramimillu ilisarnaatillit taamungaannaq misiliinermi nalunaaqutsernerlutaapput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk