Ilinnniartut taamaatiinnartartut taamaaginnarput

Inuussutissarsiutinut ilinniagaqartut, ilinniarnertuunngorniatut atuartut, universitetinilu ilinniagaqartut ilinniarnerminnik unitsitsiinnartartut ikilisarniarlugit naalakkersuisut suliniuteqaraluartut ilinniagaqartut ilinniakkaminnik taamatitsisarnerisa amerlassussiat ukiut tallimat ingerlanneranni allanngungaarsimanngillat, aviisi Sermitsiaq ullumit saqqummersoq taama allaaserisaqarpoq.

Ilinniagaqartut ilinniarnerminnik taamatiinnartartut ikilisarniarlugit Naalakkersuisut 22 millioni koruuninik immikkoortitsinikuupput.

Ilinniagaqartut taamaatittut ukiut tallimat matuma siornatigut 25 procentiupput suli ullumikkut taaama amerlatigalutik, tassalu ilinnigaqartut sisamaagaangata ataaseq ilinniakkaminik taamatitsisarpoq.

Ilinniakkaminnik aallartitsisut sisamaagaangata pingasut ilinniakkaminnik naammassinnittarput.

Ilinniartitaanermut Naalakkersuisoqarfiup ilinniagaqartut taamaatittarnerat pillugu takussutissanik nalunaarusiaa aviisimi Sermitsiami allaaserineqartoq malillugu tamanna erserpoq.

Ilinniagaqartut taamatittarnerisa ikilisarniarneqarnissaannut ukiuni tulliuttuni qulini aningaasat amerlasuut atorneqartussanngortussanngornerat nalunaarusiami qulakkeerneqarpoq.

Ilinniagaqartut taamaatittarnerisa ikilisarneqarnissaannut ukioq 2020-mi aningaasat 75 millioni koruunit atorneqartussaasut nalunaarusiami erserpoq.