Unammisitsineq imigassartornikinnerugit - misigisaqarluarnerullutillu"-mik taaguuteqarpoq. Assi: KNR

Ilinnniarnertuunngorniarfimmeersut imigassamut pinaveersaartitsillutik suliaqalersut

Nuummi ilinniarnertuunngorniarfimmi ilinniartut filmiliorluni unammiuaarnermut immikkuullarissumut peqataanertik sisamanngornermi ullaaq manna nalunaaqutaq arfineq-pingasunut aallartissavaat.

Nappaassuarmik kræftimik akiuiniaqatigiiffik Kræftens Bekæmpelse TrygFondenilu unammiuaarnermik aaqqissuisuupput, filmiliullaqqinnerpaamillu toqqaasoqassaaq, unammisitsinerlu "Drik mindre - oplev mere"-mik taaguuserneqarsimalluni. Tassa imigassartornikinnerugit - misigisaqarluarnerullutillu"-mik nutserneqarsinnaasoq.

Danmarkimi inuusuttut Europami imigassartornerpaajupput. Inuusuttummi 15-16-inik ukiullit 32 procentii qaammatip kingulliup ingerlanerani ikinnerpaamik ataasiarlutik aalakoorsimasarput, kisitsisillu nunatsinneersut Danmarkimi kisitsisinut assingullutik.

Inuusuttulli affaat sinnerlugit imigassartornikinnerunissartik kissaatigigaat misissuinerit nutaat takutippaat, imigassammi initunerujussua isumakuluutigisarpaat.

Aalakoornartortaqanngitsumik ukkaallut katerisimaallaqinniunneq 

1.g-mi ilinniartut 6000-init amerlanerusut, ilinniarnertuunngorniarfinni 27-neersut, taakkunannga Nuummi ilinniarnertuunngorniarfimmeersut, decembarip ulluisa 13-iata tungaanut workshopertitsinernut peqataassapput.

Ilinniartut nammineq isumassarsiussapput, manuskriptiliussallutik, oqaluttuariniagaq allallugu, filmiliussallutik, filmiliarlu nammineq katitissallugu. Filmiliaq naatsoq oqarasuaammi angallattakkami iPadimiluunniit katiterneqassaaq.

Inuusuttut filmiliartik aaqqissuisunut taava nassiutissavaat, filmiliallu allat aamma isiginnaarsinnaassallugit.

Unammisitsinermi filmiliat akornanni suliarilluagaanerpaamik taava toqqaasoqassaaq, ilinniarnertuunngorniarfillu ajugaasoq ilinniarnertuunngorniarfimmi aalakoornartortaqanngitsumik ullaap tungaani katerisimaartinneqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat