Inuusuttut ilinniarnerminnik unitsitsiinnartarnerat ukiuni kingullerni maluginiarneqartorujussuuvoq, unitsitsiinnartarnerlu millisarniarlugu ilinniarfiit assigiinngitsunik iliuuseqartuarput, iliuuseqarniarnerillu iluaqutaasimasut, Nunatsinni Naatsorsueqqissaartarfiup kisitsisaataani nutaani takuneqarsinnaavoq.
Iliniarnerminnik unitsitsisut 2004-mi amerlanersaapput, tassa 641-t ilinniarnertik unitsissimallugu, 2005-imili ilinniarnerminnik unitsitsisut 467-iusimapput, appariaat 27,2 procentiulluni.
2006-imi qaammatit siulliit qulit naatsorsorneqarnerat naapertussagaanni ilinniarnerminnik unitsitsiinnartartut ikiliartuaaginnarumaarput, ilimagineqarporlu 2004-mi 641-nit, suli ikinnerussasut, Naatsorsueqqissaartarfik ilisimatitsivoq.