Ilinniartut ukiup siulianut naleqqiullugit ikinnerusut

Siorna 2018-imi ilinniartut ukiup siulianut naleqqiullugit 2 procentinik ikinnerupput.

Siorna 2018-imi ilinniartut ukiup siulianut naleqqiullugit 2 procentinik ikinnerullutik katillutik 732-usimapput, 2012-imullu naleqqiukkaanni 217-inik ikinnerullutik. Kalaallit Nunaanni Naatsorsueqqissaartarfiup kisitsisaataasa saqqummiunneqaqqammersut tamanna takutippaat.

Ilinniartut 28 procentii sanaartornermik sanaartorfigissaanermillu suliffeqarfinni ilinniartuupput, niuernermik suliffeqarfiit aamma pisortat allaffii kiffartuusiviilu amerlasuunik aamma ilinniartuuteqarput.

Suliffeqarfiit niuernermik suliaqartut, sanaartornermillu sanaartorfigissaanermillu suliaqartut sulisui ilinniarsimasut amerlassusaat eqqarsaatigalugit ilinniartoqarnerpaajusut, tassa sulisut ilinniarsimasut 100-iugaangata 22-nik aamma 21-nik ilinniartoqartartut, Naatsorsueqqissaartarfiup kisitsisaataani takuneqarsinnaavoq. 

Suliaqarfiit tamaasa isigissagaani agguaqatigiissillugu ukiumut 10-inik ilinniartoqartarput.

Ilinniartut ukiut kingullit tallimat ingerlanerini aamma ukioqqortunerulersimapput. 2012-imi ilinniartut 25-t ataallugit ukiullit 60 procentiusimapput, 2018-imilu 42 procent-iinnanngorsimallutik.

Ilinniartunut inissanut tunngasut kisitsisitigut paasissutissani taamaallaat inuussutissarsiornermik ilinniartut pineqarput, ilinniartunut tapisisartut kisimik pineqarlutik. Ilinniagaqarnermusisartut ilanngunneqanngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat