Ilinniartut siulliit
Taakkunannga arfineq pingasut sapaatiummat misilitsereermata taakkunannga tallimat aggustip 27-anni isiginnaartitsisunngorniarfittaassap ammaanersiorneqarnerani aallartissapput.
Isiginnaartitsisartunngorniarfimmi Makka Kleist pisortaassaaq, taassumalu oqaatigaa isiginnaartitsisartunngornialersussat tamarmik isiginnaartitsisartumik aappaqarlutik sapaatiummat misiliitinneqartut, taallamik atuartinneqarlutik, sammisarlu aalajangersimasoq aallaavigalugu isiginnaartitsisinneqarlutik, misilitsittullu timimik qanoq atuisinnaanerat paasiniarneqarluni.
Isiginnaartitsisartunngorniat siullermeerutaasumik misilitsimmata erinarsullaqqissusiat misilinneqareerpoq, tassalu ilinniartunngortussat tallimat ilisaritinneqartut kikkuuneri ullumi tusarliussinnaanngorpavut, tassaallutillu:
Majbritt Bech Nuuk
Klaus Geisler Ilulissat
Johannes Petersen Nuussuaq
Mike Fencker Thomsen Ilulissat
Hans-Henrik Poulsen, Qeqertarsuaq.
Taakku ilinniarnertik aggustip 27-anni Nuummi aallartissavaat.
- Nunarput qilanaarsinnaalluarsoraara. Ilinnialersussammi piukkunnaqaat, isiginnaartitsisartutut ilinniarfissami pisortaasussaq, Makka Kleist ilinniartunngortussat pillugit taama oqarpoq.
