Ilinniartut sanaartornermi ilaatinneqartarnersut apeqqutigaa
Illussanik sanaartugassanullu ilinniartut suliffimmillu misiliisut qassit ilinniarfissarsinikuunersut Inatsisartunut ilaasortap, Inuit Ataqatigiinneersup, Jane Petersenip, Naalakkersuisunut paragraf 36 naapertorlugu apeqquteqaatigaa.
aggustip 19-at 2009 07:24
Namminersornerullutik Oqartussat Nalunaarutaat 2007-imeersoq naapertorlugu illussanik sanaartugassanullu neqeroortitsisarneq pillugu ilinniartut qassit sulisorineqarnersut Jane Petersenip paaserusuppaa.
Jane Petersenip apeqquteqaatigaa Nalunaarutip piumasaqaatai malinneqarnersut, aamma sanaartukkanut ataasiakkaanut neqerooruteqarnerni ilinniartoqartussaatitaanermik ikinnerpaaffiusussatut killigitinneqartut malinneqartarnersut.
Sanaartorneq eqqarsaatigalugu amerlanerusunik ilinniartoqartalernissaq kaammattuutigaa, Naalakkersuisunullu apeqquteqaatigaa nalunaarut sukannernerulersinneqarsinnaannginnersoq, sanaartukkallu angissusaat naapertorlugu amerlanerusunik ilinniartoqartalernissaa piumasaqaatigineqartariaqartoq.
