Assi: Paarnaq Hansen/KNR

Ilinniartut qitiutinneqassapput

Ilisimatusartut kattuffiat Ili Ili nutaanik siulersuisoqalerpoq siulittaasunngortorlu aalajangiissappat, ilinniartut atugaat sammineqarnerusariaqarput.

Ilinniartunut tunngassuteqarnerusut saniatigut ilinniartut peqatigiiffiat ilinniartunik aallutaqarnerussaaq.

- Ilinniartut toqqaannaq aperineqarunik,  suunuku atorfissaqartikkisi soorlu ilinniaqqinnissamut atorfissaqartitsigunik taava ili ilimut saaffiginnissinnaapput uagullu akisinnaanngikkutsigit, toqqaannaq akisinnaasunut ingerlateqqissavagut.

Ilinniartut kattuffianni siulittaasutut ippassaani toqqarneqartoq, Kuluk R. Lyberth taama oqarpoq.

Nutaamilli siulittaasortaaginnanngillat, siulittaasuusimasormi qinigassanngorteqqinniarnani aalajangersimammat, ataatsimeersuarneq ilutigalugu nutaanik siulersuisunik aamma taasisoqarpoq. 

Ilinniartut akuunerussapput 

Kuluk R. Lyberth naapertorlugu ilinniarfinni assigiinngitsunit ilinniartut akornanni sinniisoqalernissaq siulersuisunngortut sulissutigissavaat. Ilinniartut suut naatsorsuutigineraat kissaatigineraallu sinniisoqarnerup Ili Ili eqqummaarinnerulersissavaa.

Tamannalu siulersuisuni siullernit Kuluk R. Lybertip amigaatigisimavaa.

- Ili Ilip suliassaani tullinnguuttuni pingaarnerpaavoq ilinniartut toqqaannaq aperineqassammata suut atorfissaqartinneraat.

Ili Ilimi siulittaasunngorlaaq Kuluk R. Lyberth taama oqarpoq. 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl