Ilinniartut inissaat sanaartorneqaleruttorput
Aasianni ilinniartunut 50-nut inissiassaq aappaagu atuartut aallartinnerisa nalaani iserterfigineqarsinnaasussaq sanaartuisussarsiuunneqaqqammivoq. Taassumalu assinga Qaqortumi sananeqarnissaa aallartitsinnagu misissueqqaarnerit maanna aallartinneqarput.
Aasianni ilinniartunut allamik inissialiornissap Sisimiunilu aamma ilinniartut inissialiuunnissaasa aallartisarnissaat pilersaarusiornissaallu Naalakkersuisut inassutigisimagaat ineqarnermut naalakkersuisup Jens B. Frederiksenip nalunaarutigaa.
Illoqarfinni anginerusuni ilinniartunut inissiat aserfallatsaaliornerannut atatillugu inissiat nutaat sanaartorniarneqarput.
- Ilinniartunut inissiatoqqat iluarsaannissaannut aningaasartuutissat nassaarisinnaanissaat qularinngilara, inissiat nutaat utaqqineranni ilinniartut taakkuni ineqarsinnaaniassammata, Jens B. Frederiksen oqarpoq.