Ilinniartut ineqarfissaat nutaaq ullumi atoqqaartinneqassaaq
Ilinniartitaanermut Naalakkersuisup Mimi Karlsenip Nuummi ilinniartut ineqarfiat nutaaq atoqqaartissavaa 28. januar 2011-mi nal.14.30.
- Naalakkersuisut ilinniartut ineqarfiinik amigaateqarnermik ajornartorsiuteqarneq immikkut iliuuseqarfiginiagaasa ilagaat, unalu inuusuttut amerlanerusut ilinnialersinnaaleqqullugit sananeqarpoq, Naalakkersuisoqarfik tusagassiuutinut nalunaarpoq.
Nuummi ilinniartut ineqarfiat nutaaq Manguaraq 29-miittoq ilinniartunut 42-nut inissaqartitsivoq, taakkunannga init tallimat innarluutilinnut naleqqussagaallutik.
Ilinniartut ineqarfianniissapput ilinniartut sinerissameersut illoqarfimminni praktikkerfissarsisinnaasimanngitsut.
- Inuusuttut ilinnialerniarlutik 15-inik allaat ukiullit ilaquttaminnit kilometerinik tusindilippassuarnik ungasitsigisumut nuuttariaqartarmata ilassilluarneqarnissaat pingaaruteqarpoq. Taamaattumik ilinniartut ineqarfianni aamma inersimasumut inuusuttunut 18-it inorlugit ukiulinnut attaveqaataasussamut inissialiisoqarpoq, Mimi Karlsen oqarpoq.
