Ilinniartut freerpallaarput
Ilinniartut friikulavallaarput. Ippassaq
Qaqortumi Niuernermik Ilinniarfimmi ilinniartoq ilinniarfimminni friikulavallaartarnertik maalaarutigereeraalu, Ilulissani Perorsaanermik Ilinniarfimmi ilinniartut 20-it frikulavallaartarnertik suaarutigaattaaq.
Inunnik Isumaginninnermut ikiortitut atuaqatigiit 20-it ilinniarnertik decemberimi naammassissavaat, Ilinniartoq Palloq Kristensen aperaarput qanoq friikularnertik ajornartorsiutigisarneraat.
- Massakkut soorlu eksaminileratta friikulasarnerput ajornartorsiutigisarparput. Soorlu massakkorluinnaq napparsimasoqartillugu ilinniagassaagaluagut ilinnianngitsoortarpavut, taamatullu napparsimasoqartillugu ilinniartitisoq ilinniartisisinnaajunnaaraangat ilinniartitisumut allamut ilinniartarpugut, allamik immersorniarlugu tiimissaagaluagut. Taamalilluta ilikkagassaagaluagut ajoraluartumik ilikkanngitsoortarpavut, Palloq Kristensen oqarpoq.
Palloq Kristensen isumaqarpoq ilinniartitsisut napparsimassagunik peqanngissagunilluuniit ilinniartuutiminnut allatut qanoq iliortarnissap qulakkeernissaannut ilinniartunut pilersaaruteqartassagaluartut.
Kalaallit Ilinniartut Kattuffianni siulittaasoq Tola Rosing Carlsenip oqarpoq kattuffimmut ajornartorsiut saaffiginnissutaanikuungimmat oqaluuserinikuunngikitsik, kisiannili ilinniartut KIK-mut ilaasortat saaffiginnippata ajornartorsiut oqaluuserineqassasoq.
