Ilinniartut amerliartorput

Kalaallit Nunaanni inuit meeqqat atuarfiannit qaffasinnerusumik ilinniagaqarsimasut 2002-mit amerliartuinnarsimasut kisitsisit takutippaat.

Meeqqat atuarfianni qaffasinnerusumik ilinniagaqarsimasut siorna 2012-imi katillutik 14.781-inngorsimapput, innuttaasut 17-ileereersimasut 34,7 procentii meeqqat atuarfiannit qaffasinnerusumik ilinniagaqarsimallutik.

Innuttaasut ilinniartitaaneq pillugu pitsaanerusumik paasissutissiiffigineqartalersimanerat ilaatigut pissutaalluni innuttaasut meeqqat atuarfiannit qaffasinnerusumik ilinniagaqarsimasut amerlisimasut, Kalaallit Nunaanni Naatsorsueqqissaartarfiup oqaatigaa.

Kisitsisit immikkuualuttortai qimerlooraanni takuneqarsinnaavoq Nunatsinni ilinniarnerminnut atatillugu bachelorit 2002-mi 2016-iusimasut, 2012-imilu 2595-iusimallutik. Kandidatitut naammassisimasut aamma amerlisimapput, 2002-mi 700-sut siorna 2012-imi 1000-iusimammata.