Ilinniartunut inissianik sanaartorniarput

Kalaallit Nunaanni ilinniagaqartut najugaqarfii ukiuni tulliuttuni amerleriangaatsiassapput.
Allattoq Elisa Isaksen
septembarip 01-at 2008 17:13

Naalakkersuisut kissaatigaat illoqarfinni arfinilinni ilinniagaqartut najugaqarfissaannik nutaanik sananissanut 140 millioner koruuninik immikkut aningaasaliisoqassasoq, tamanna aappaagumut aningaasanut inatsimmi takuneqarsinnaavoq.

Ilinniagaqartut najugaqarfissaat aappaagumit 2011-ip tungaanut sanaartornissaat kissaatigineqarluni.

Inuusuttut pingaasuugaangata marluk qaffasissumik ilinnigaqalernissaat anguniagaavoq, taamaattumillu ilinniagaqartut najugaqarfissaannik amigaateqarneq ilinniagalinnut akimmisaarilersinnaammat ilinniartut najugaqarfissaannik sananissaq aningasaliiffiginiarneqarpoq.

Ilinniagaqartut najugarfii amigaataapput.

Illoqarfiit amerlanerit ilinniartunut illoqarfinnit allanit ilinniariartunut taamaallaat inissaqartitsipput.

Illoqarfinni anginerni ilinniagaqartut, ilinniartut najugaqarfigisaannut allanut nuussinnaanissaat naalakkersuisut kissaatigaat.

Illoqarfinni anginerni sungiusaatigalugu sulisinnaaneq periarffissagissaarnerummat, aningaasanut inatsimmi naalakkersuisut kissaateqarnerminni allapput.

Nuummi Qaqortumi Aasianni Sisimiuni Ilulissani Narsamilu ilinniagaqartut najugaqarfiinik sanaartortoqassaaq.

Ilinniagaqartut najugaqarfiliornissaaannut aappaagu

55 millioner koruunit atorneqarnissaat naalakkersuisunit kissaatigineqarpoq.

Ukiunilu tulliuttuni 63 aamma 20 milloner koruunit sanaartornernut atorneqarnissaat kissaatigineqarluni.

Aningaasanut inatsit aappaagumut atuuttussaq inatsisartut ukiakkut ataatsimiinneranni uani qaammammi allartitussami saqqummiunneqassaaq.